2021 оны 07 дугаар сарын 26-ны 08 цагаас 08 дугаар сарын 02-ны 08 цаг хүртэлх 7 хоногийн цаг агаарын тойм

Хур тунадас: 26-нд нутгийн зарим газраар, 27-нд баруун аймгуудын ихэнх нутаг, төвийн аймгуудын нутгийн баруун, говийн аймгуудын нутгийн хойд хэсэг, зүүн аймгуудын нутгийн зарим газраар, 28-нд баруун аймгуудын нутгийн хойд хэсэг, төв болон говийн аймгуудын нутгийн зарим газар, зүүн аймгуудын нутгийн баруун хэсгээр, 29-нд баруун аймгуудын нутгийн хойд хэсэг, төвийн аймгуудын ихэнх нутаг, говь болон зүүн аймгуудын нутгийн зарим газраар, 30-нд төвийн аймгуудын нутгийн зүүн, говийн аймгуудын нутгийн хойд хэсэг, зүүн аймгуудын ихэнх нутгаар, 31-нд баруун аймгуудын нутгийн баруун, зүүн аймгуудын нутгийн зүүн хэсгээр, 8 дугаар сарын 1-нд баруун аймгуудын ихэнх нутаг, төвийн аймгуудын нутгийн баруун хэсгээр бороо, дуу цахилгаантай аадар бороо орсон байна. Хэмжээний хувьд 7 хоногийн нийлбэр тунадасны хамгийн их нь Завханы Завханмандалд 62.3 мм, Эрдэнэхайрханд 51.4 мм, Алдархаанд 47.0 мм, Түдэвтэйд 46.0 мм, Дорнод, Цагаан-Овоод 60.0 мм, Дашбалбарт 55.0 мм, Баяндунд 47.0 мм, Хэнтийн Баян-Адрагад 57.5 мм, Увсын Өндөрхангайд 49.8 мм, Говь-Алтайн Баян-Уулд 49.0 мм, Төгрөгт 48.0 мм бусад хэсгээр 0.0-44.0 мм бороо орсон байна.

Агаарын хамгийн их температур: Хугацааны дунд үеэр ихэнх нутгаар халж Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Эг-Үүр, Тэрэлж голын хөндийгөөр +17...+23 градус, Их нууруудын хотгор, говийн бүс нутгийн өмнөд хэсэг болон Дорнод-Дарьгангын тал нутгаар +31...+37 градус, бусад нутгаар +24....+30 градус байв.

Агаарын хамгийн бага температур: Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Идэр, Тэс, Эг-Үүр, Туул, Тэрэлж голын хөндийгөөр +1...+6 градус, Хангайн нурууны өвөр бэл болон говийн бүс нутгаар +12...+17 градус, бусад нутгаар +7...+12 градус байв.

Cалхи:  Их төлөв секундэд 6-11 метр, нутгийн зарим газраар борооны өмнө түр зуур ширүүсэж секундэд 15-25 метр хүрч ширүүссэн байна.

Улаанбаатар хот орчмоор:  Хур тунадас: 26, 28-нд 0.0 мм, 30-нд 0.0-7.0 мм бороо, дуу цахилгаантай аадар бороо орсон байна.

Агаарын температур: 30, 31-нд шөнөдөө +8...+13 градус, өдөртөө 19-24 градус, бусад хугацаанд шөнөдөө +11...+16 градус, өдөртөө +21…+26 градус байсан.

Салхи: Ихэнх хугацаанд секундэд 6-11 метр байв.

ЦАГ УУР, ОРЧНЫ ШИНЖИЛГЭЭНИЙ ГАЗАР

Урьдчилан Мэдээлэх Хэлтэс